වර්ජනය හේතුවෙන් අද පස්වරුවේ සීමිත දුම්රිය සංඛ්‍යාවක් ධාවනයට

දුම්රිය වැඩවර්ජනය හේතුවෙන් අද පස්වරුවේ දුම්රිය 9ක් පමණක් ධාවනය කිරීමට සැළසුම් කර ඇති බව දුම්රිය දෙපාර්තමේන්තුව පවසනවා.

ඒ අනුව ප‍්‍රධාන සහ උතුරු මාර්ගයේ දුම්රිය 4ක්, මුහුදුබඩ සහ පුත්තලම මාර්ගවල දුම්රිය 2ක බැගින් සහ කැලණිවැලි මාර්ගයේ දුම්රියක් එලෙස ධාවනය කෙරෙනු ඇති.

පස්වරු 5 යි 10ට මහනුවර, පස්වරු 4 යි 40ට ගනේවත්ත සහ පස්වරු 6 ට මහව දක්වා අදාල දුම්රිය පිටත්වීමට නියමිතයි.

මුහුදුබඩ මාර්ගයේ මරදානේ සිට පස්වරු 5 ට බෙලිඅත්ත දක්වා සාගරිකා සීඝ‍්‍රගාමී දුම්රිය සහ පස්වරු 5 යි 25ට ගාල්ල දක්වා දුම්රියක් ගමන් කිරීමට නියමිතව තිබෙනවා.

මීට අමතරව, පුත්තලම මාර්ගයේ කොළඹ කොටුවේ සිට පස්වරු 4 යි 30ට සහ 5 යි 30ට හලාවත දක්වා ද කැලණිවැලි මාර්ගයේ පස්වරු 5 ට අවිස්සාවේල්ල දක්වා ද, දුම්රිය ධාවනය කිරීමටයි සැලසුම් කර ඇත්තේ.

මේ අතර දැනට ක‍්‍රියාත්මක වර්ජනය හෙට තාවකාලිකව අවසන් කරන බව රජයේ වෛද්‍ය නිලධාරින්ගේ සංගමය පවසනවා.

එම සංගමය කියා සිටියේ හෙට පෙරවරු 8 ට වර්ජනය තාවකාලිකව අවසන් කරන බවයි.