IPL දෙවන තරගයට සුපිරි පන්දුවාරයක්

13

මෙවර ඉන්දීය ප්‍රිමියර් ලීග් ක්‍රිකට් තරගාවලියේ දෙවැනි තරගයෙන් සුපිරි පන්දුවාරයේ ජයක් වාර්තා කිරීමට දිල්ලි කැපිටල්ස් කණ්ඩායම සමත් වුණා.
ඒ, කිංග්ස් ඉලවන් පන්ජාබ් කණ්ඩායම සමග පැවැති තරගයේ දී කණ්ඩායම් දෙකම සම ලකුණු ලබා ගැනීම හේතුවෙන්.
ඩුබායිහි පැවැති තරගයේ පළමුවෙන් පන්දුවට පහරදුන් දිල්ලි කණ්ඩායම කඩුලු 8ක් දැවී ලකුණු 157ක් ලබා ගත්තා.
පිළිතුරු ඉනිම ක්‍රීඩා කළ පන්ජාබ් කණ්ඩායම ද නියමිත පන්දුවාර 20 අවසානයේ කඩුලු 8ක් දැවී ලබා ගත්තේ ලකුණු 157ක් පමණයි.
අනතුරුව තරගයේ ජයග්‍රාහකයා තෝරා ගැනිම සදහා ලබා දුන් සුපිරි පන්දුවාරයේ පළමුවෙන් පන්දුවට පහරදුන් පන්ජාබ් කණ්ඩායමට සිය කඩුලු දෙකම දැවී පන්දු 3ක දී ලබා ගත හැකි වූයේ ලකුණු 2ක් පමණයි.
පිළිතුරු ලෙස දිල්ලි කණ්ඩායම පන්දු දෙකකින් කිසිදු කඩුල්ලක් නොදැවී ජයග්‍රාහී ඉලක්කය පසු කළා.
තරගයේ වීරයා මාර්කස් ස්ටොයිනිස්.

Your Comments