සිම්බාබ්වේ ක්‍රීඩකයින් දෙදෙනෙකුටත් කොරෝනා

24

සිම්බාබ්වේ ක්‍රිකට් ක්‍රීඩකයින් දෙදෙනෙකුට සහ සහාය කාර්ය මණ්ඩල සාමාජිකයින් දෙදෙනෙකුට කොරෝනා වෛරසය ආසාදනය වී තිබෙනවා.

පාකිස්තාන සංචාරය වෙනුවෙන් නම් කරන ලද 25 දෙනෙකුගෙන් යුත් මූලික සංචිතයට ඇතුළත්ව සිටි දෙදෙනෙකුට මෙලෙස වෛරසය ආසාදනය වී ඇති බවයි විදෙස් මාධ්‍ය වාර්තා කළේ.

කෙසේ වෙතත්, මෙම තත්ත්වය හේතුවෙන් පාකිස්තාන – සිම්බාබ්වේ තරගාවලියට බලපෑමක් එල්ල නොවනු ඇති.

සිම්බාබ්වේ ක්‍රීඩකයින් මේ වන විටත් පාකිස්තානයට ළගා වී ඇති අතර, ඔවුන් පැමිණීමට පෙර සහ පසුව සිදු කළ වෛද්‍ය පරීක්ෂණවලින් කොරෝනා වෛරසය ආසාදනය වී ඇති බවට තහවුරු වී නැහැ.

මේ වන විට 20 දෙනෙකුගෙන් සමන්විත සිම්බාබ්වේ සංචිතයේ ක්‍රීඩකයින් පාකිස්තානයේ දී නිරෝධායන කාලසීමාවක් ගත කරන අතර, එය අවසන් වීමට පෙර තවත් වෛද්‍ය පරීක්ෂණයකට ක්‍රීඩකයින්ව යොමු කරනු ඇති.

මෙම 20 දෙනෙකුගෙන් යුත් ක්‍රීඩක සංචිතය සහ කොරෝනා වෛරසය ආසාදනය වූ ක්‍රීඩකයින් දෙදෙනා හරාරේහී දී වෙන වෙනම රැදී සිට ඇති බව සදහන්.

කොරෝනා වෛරසය ආසාදනය වූ සෙසු සහාය කාර්ය මණ්ඩල සාමාජිකයින් දෙදෙනා, වෛරසය ආසාදනය වූ ක්‍රීඩකයින් දෙදෙනාගේ සමීපතම ආශ්‍රිතයින් බවයි වාර්තා වන්නේ.

Your Comments