එංගලන්ත ක්‍රිකට් ක්‍රීඩකයින්ගේ වැටුප් සියයට15කින් කපයි

15

සියයට15ක වැටුප් කප්පාදුවක් සදහා එංගලන්ත ක්‍රිකට් ක්‍රීඩකයින් එකගතාව පල කර තිබෙනවා.

කොරෝනා වංසගතය හේතුවෙන් එංගලන්ත ක්‍රිකට් ආයතනය මුහුණ දී ඇති මූල්‍ය අර්බුදය පදනම් කරගනිමිනුයි ඔවුන් මෙම එකගතාවයට එළඹ ඇත්තේ.

පසුගිය පළමු වැනිදා සිට මාස 12 ක කාලයක් සදහා බලපැවැත්වෙන පරිදි එංගලන්ත ක්‍රීඩකයින්ට මෙම වැටුප් කප්පාදුව සිදු කර ඇති බවයි එංගලන්ත ක්‍රිකට් ආයතනය නිකුත් කළ නිවේදනයක දැක්වෙන්නේ.

නිමා වූ තරග වාරයේ දී එංගලන්ත ක්‍රිකට් කණ්ඩායම සියලු‍ තරගාවලි කල් දැමීමකින් තොරව ක්‍රීඩා කර ඇති පසුබිමක මෙම වැටුප් කප්පාදුව සිදු කිරීම විශේෂත්වයක්.

අදාළ තරගාවලි පැවැත්වුව ද, එංගලන්ත ක්‍රිකට් ආයතනය පෙන්වා දෙන්නේ කොරෝනා වසංගතය හේතුවෙන් තම ආයතනයට ස්ටර්ලින් පවුම් මිලියන 106ක පමණ මුදලක් අහිමි වන බවයි.

එම අලාභය තවදුරටත් ඉහළ යමින් පවතින බව ද එංගලන්ත ක්‍රිකට් ආයතනය සදහන් කළා.

පවතින තත්ත්වය හේතුවෙන් පිරිවැය අඩු කිරීමේ අරමුණින් රැකියා කප්පාදු කිරීම් 62ක් සිදු කිරීමට ද එංගලන්ත ක්‍රිකට් ආයතනය මීට පෙර තීරණය කළා.

Your Comments