ජනපති දුන් දේශමාන්‍ය සම්මානය ආචාර්ය දේවනේසන් නැවත හරවා එවයි

190

දේශමාන්‍ය ගෞරව සම්මානයෙන් පිදුම් ලද විශ්‍රාමික සිවිල් සේවකයෙකු වන ආචාර්ය දේවනේසන් නේසයියා සිය සම්මානය ජනාධිපති මෛත්‍රීපාල සිරිසේන වෙත නැවත ලබාදීමට පියවර ගෙන තිබෙනවා. 

ජනාධිපතිවරයාට විවෘත ලිපියක් ලියමින් ඔහු සඳහන් කර සිටින්නේ ගෞරව නාම සහතිකය සහ පදක්කම නැවත ජනාධිපතිවරයාට ලැබීමට සලස්වන බවයි. 

එයට හේතුව ලෙස ඔහු සඳහන් කර සිටින්නේ පසුගිය දින කිහිපය තුළ ලංකාවේ ප්‍රජාතන්ත්‍රවාදය අමු අමුවේ කඩවීමයි. 

ලංකාවේ සිවිල් සේවකයෙකු ලෙස වසර 60කට ආසන්න කාලයක් එජාප සහ ශ්‍රී ලංකා නිදහස් පක්ෂ ආණ්ඩු යටතේ සේවය කළ අචාර්ය දේවනේසන් එම කාලය තුළ තමා තාඩන පීඩන රැසකට මුහුණ දුන් බව පවසනවා. 

එම ලිපියේ වැඩිදුරටත් සඳහන් වන්නේ මෛත්‍රීපාල සිරිසේන මහතා ජනාධිපති ධුරයට පත් වූ පසු සිය පවුලේ සියලු දෙනා මෙන්ම හිත මිත්‍රාදීන් ද වැඩිවශයෙන් සංතෝෂයට පත් වූ බවයි. 

නමුත් පසුගිය සති කිහිපය තුළ සිදුවූ දේශපාලන සිදුවීම් හේතුවෙන් තමා කළකිරීමට පත්ව සිටින බව ඔහු මෙම ලිපියෙන් දන්වා සිටිනවා.

Your Comments