හිමිනමක් ජනපතිගෙන් ගුවන් යානයක් ඉල්ලයි

 06/14/2017 - 16:26
660 reads

පොළොන්නරුව බෞද්ධ සංගමය විසින් වාර්ෂිකව සංවිධානය කරනු ලබන බණ්ඩාරනායක-සේනානායක පොසොන් මහා බත් දන්සල- 57 වන වරටත් පොළොන්නරුව පරාක්‍රම සමුද්‍රය අභියසදී ජනාධිපති මෛත්‍රීපාල සිරිසේන මැතිතුමාගේ ප්‍රධානත්වයෙන් ආරම්භ කෙරිණි.

අනුබුදු මිහිඳු මහ රහතන් වහන්සේ ශ්‍රී ලංකාද්වීපයට වැඩම කළ පොසොන් පුර පසළොස්වක පොහොය දිනය සමරමින් ඓතිහාසික සිද්ධස්ථාන වැඳ පුදා ගැනීමට පැමිණෙන ලක්ෂ සංඛ්‍යාත බැතිමතුන් උදෙසා පොළොන්නරුව බෞද්ධ සංගමයේ සභාපති, ජනාධිපති ගරු මෛත්‍රීපාල සිරිසේන මැතිතුමාගේ උපදෙස් පරිදි වාර්ෂිකව මෙම බත් දන්සැල සංවිධානය කෙරේ.

මෙසේ ආරම්භ කරන දන්සලේ ආරම්භක පියවර වන්නේ සංඝයා වහන්සේලා වෙත දානය පිරිනැමීමයි. සුපුරුදු පරිදි ජනාධිපති මෛත්‍රීපාල සිරිසේන මහතා බුද්ධ පුජාවෙන් අනතුරුව සංඝයා වහන්සේලා උදෙසා දානය පිරිනැමීම ආරම්භ කරා..

එහිදී ජනාධිපතිතුමා එක් පොඩි හාමුදුරු නමකට දානය බෙදන අවස්ථාවේදී උන්වහන්සේ කණගාටුවෙන් සිටිනවා දැක
"ඇයි පොඩි හාමුදුරුවනේ දුකින් වගේ"
යයි විමසා තිබෙනවා

එවිට පොඩි හාමුදුරුවන් පවසා ඇත්තේ
"නෑ මොකවත් නෑ…"  කියායි.
කෙසේ වෙතත් හාමුදුරුවන් වහන්සේ දානය ගැනවත් නොසතුටින් පසුවෙතැයි සිතු ජනාධිපති තුමා නැවතත්
"අපේ හාමුදුරුවනේ මොකක්ද ප්‍රශ්නේ මට කියන්නයි" පවසා තිබෙනවා

එවිට පොඩි නම පවසා ඇත්තේ
"එහෙනම් පොඩ්ඩක් ඔලුව පාත් කරන්න…."
ජනාධිපති තුමාද බොහෝ බැතිබර සිතින් පොඩිහාමුදුරුවන් වෙත ඔළුව නමා කාරණය විමසා තිබෙනවා. එවිට පොඩි හාමුදුරුවන් පවසා ඇත්තේ
"මේ ඔයාට පුලුවන්ද මට උඩ යවන ප්ලේන් එකක් අරන් දෙන්න"

එකවරම ඒ ප්‍රකාශයට එකඟ නොවූ ජනාධිපතිතුමා පවසා ඇත්තේ
"අපේ හාමුදුරුවනේ අපි එහෙනම් ලොකු හාමුදුරුවන්ගෙනුත් අහලාම ප්ලේන් එකක් ගමු" කියායි.

"ආ එහෙනම් ඉතින් ඒක ගන්න වෙන එකක් නෑ"
කියා පොඩි හාමුදුරුවන් පැවසුවද ජනාධිපති තුමා විසින් ජනාධිපති සම්බන්ධිකරණ නිලධාරියකුට පවසා ඇත්තේ ලොකු හාමුදුරුවන්ගේ අවසරය ගෙන පොඩි හාමුදුරුවන් හට අවශ්‍ය සෙල්ලම් භාණ්ඩය අරන්දෙන ලෙසයි.

 

Add new comment

CAPTCHA
This question is for testing whether or not you are a human visitor and to prevent automated spam submissions.
6 + 3 =
Solve this simple math problem and enter the result. E.g. for 1+3, enter 4.