පොසොන් සමයේ අනුරාධපුරේ ආරක්‍ෂාවට පොලීසියෙන් 2600ක්

11

පොසොන් උත්සවය වෙනුවෙන් අනුරාධපුර නගරයට පැමිණෙන බැතිමතුන්ගේ ආරක්ෂාව සඳහා විශේෂ ආරක්ෂක වැඩපිළිවෙලක් ක්‍රියාත්මක කරන බව පොලීසිය පවසනවා.

පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර මහතා සඳහන් කළේ ඒ සඳහා පොලිස් නිළධාරින් 2,600 දෙනෙකු පමණ යොදවා ඇති බවයි.

අනුරාධපුරය, මිහින්තලේ සහ තන්තිරිමලේ යන ප්‍රදේශ අවරණය වන පරිදි ලබන 29 වනදා දක්වා අදාළ පොලිස් නිළධාරීන් රාජකාරියේ යොදා ඇති බව ද ඔහු සඳහන් කළා.

මේ අතර, පොසොන් පොහොය වෙනුවෙන් අදත් විශේෂ දුම්රිය ගමන් වාර ක්‍රියාත්මක බව දුම්රිය දෙපාර්තමේන්තුව ප්‍රකාශ කළා.

Your Comments