පාස්කු ඉරිදා ප්‍රහාරය දැන සිටි බවට එල්ල වන චෝදනා සවුදිය ප්‍රතික්ෂේප කරයි

42

පාස්කු ඉරිදා මෙරට කතෝලික දේවස්ථාන සහ සුපිරි සංචාරක හෝටල් ඉලක්ක කර ගනිමින් එල්ල වූ ත්‍රස්ත ප්‍රහාරය පිළිබඳව තම රට දැනුවත්ව සිටි බවට ලෙබනන පුවත්පතක් කළ අනාවරණය තරයේ ප්‍රතික්ෂේප කරන බව ශ්‍රී ලංකාවේ පිහිටි සෞදි අරාබි තානාපති කාර්යාලය පවසනවා.
අල් අහේඞ් නමැති ලෙබනනයේ පුවත් වෙබ් අඩවිය අදාල ප්‍රකාශය සිදු කළේ සෞදි අරාබි විදේශ අමාත්‍ය ඊබ්‍රාහිම් බින් අබ්දුල් අසීස් අල් අසාෆ්ගේ අත්සනින් යුතුව ශ්‍රී ලංකාවේ සෞදි තානාපතිවරයා වෙත යොමු කළ රහසිගත ලිපියක්ද උපුටා දක්වමින්.
ප්‍රහාරයට දින 05කට පෙර එනම් අප්‍රේල් 16 වනදා ශ්‍රී ලංකාවේ සෞදි තානාපතිවරයා වෙත යොමු කළ මෙම ලිපියේ මුලින්ම දක්වා තිබූණේ දේශීය, විදේශීය සමාජිකයින් සහ කණ්ඩායම් සමඟ සිදුකළ සන්නිවේදනයන් පරිගණක දත්ත ගබඩාවෙන් ඉවත් කරන ලෙසයි.
ඉදිරි දින කිහිපය තුල විශේෂයෙන් පාස්කු ඉරිදා දිනයේ විශේෂයෙන් දේවස්ථානවලින්, පොදු ස්ථාන සහ ජනයා ගැවසෙන ස්ථාන වලින් ඈත්වී සිටින ලෙසත් එමඟින් දක්වා තිබුණා.
සෞදි රජයට එරෙහිව අසත්‍ය චෝදනා එල්ල කරමින් පළ වූ එම පුවත සම්බන්ධයෙන් තමන් දැඩි නොසතුට පළ කරන අතර, එය හෙළා දකින බවයි සෞදි තානාපති කාර්යාලය නිවේදනයක් නිකුත් කරමින් ප්‍රකාශ කළේ.

Your Comments