IOC ඉන්ධන මිලත් ඉහළට

6

මුදල් අමාත්‍යාංශය ඊයේ මධ්‍යම රාත්‍රියේ සිට ඉහළ දැමූ ඉන්ධන මිලට සමගාමීව ලංකා IOC සමාගමද ඉන්ධන මිල ඉහළ දමනු ලැබුවා.
ඒ අනුව ඔක්ටේන් 92 වර්ගයේ පෙට්‍රල් ලංකා IOC නව මිල වන්නේ රුපියල් 155ක් වන අතර ඔක්ටේන් 95 වර්ගයේ පෙට්‍රල් නව මිල වන්නේ රුපියල් 172 ක්.
ලංකා IOC ඔටෝ ඩීසල් නව මිල රුපියල් 129 ක් වන අතර සුපර් ඩීසල් නව මිල වන්නේ රුපියල් 141 ක් බවයි එම සමාගම පෙන්වාදෙන්නේ.
ඊයේ මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිල ගණන් ඉහළ නැංවීමට මුදල් අමාත්‍යංශය තීරණය කළා.
ඒ අනුව ඔක්ටේන් 92 වර්ගයේ පෙට්‍රල් ලීටරයක් රුපියල් 6 කින් ඉහළ ගිය අතර එහි නව මිල රුපියල් 155 ක් වනවා.
ඔක්ටේන් 95 වර්ගයේ පෙට්‍රල් ලීටරයක් රුපියල් 8 කින් ඉහළ නංවා ඇති අතර එහි නව මිල රුපියල් 169 ක්.
සුපිරි ඩීසල් ලීටරයක් රුපියල් 8 කින් ඉහළ නංවා ඇති අතර එහි නව මිල රුපියල් 141 ක් බවයි මුදල් අමාත්‍යංශය සඳහන් කළේ.
කෙසේවෙතත් මෙවර ඔටෝ ඩීසල් මිලෙහි කිසිදු වෙනසක් සිදුවී නොමැති අතර රුපියල් 123 ක් වන ඔටෝ ඩීසල් මිල නොවෙනස්ව පවතිනු ඇති.
නිවේදනයක් නිකුත් කරමින් මුදල් අමාත්‍යංශය කියා සිටියේ මිල සූත්‍රයට අනුව මෙවර ඩීසල් ලීටරයක මිල රුපියල් 11 කින් වැඩි කළ යුතුව තිබුන ද විශේෂයෙන් මහජනතාවට මෙන්ම ප්‍රවාහන ධීවර වැනි ක්ෂේත්‍රවලට ඇතිවන අහිතකර බලපෑම් සැලකිල්ලට ගනිමින් මිල වැඩි නොකළ බවයි.
බොරතෙල් මිල සඳහා පවතින ජාත්‍යන්තර මිල සහ ශ්‍රී ලංකාවේ විනිමය අනුපාතය පදනම් කරගෙන දේශීය වශයෙන් ඉන්ධන මිල තීරණය කිරීම සඳහායි පසුගිය මැයි මස 9 වනදා මිල සූත්‍රයක් හඳුන්වාදෙනු ලැබුවේ.
මිල සූත්‍රය අනුව අවසන් වරට පසුගිය සැප්තැම්බර් මස 10 වනදා ඉන්ධන මිල සංශෝධනය කෙරුණා.
මුදල් අමාත්‍යංශය සඳහන් කළේ එම අවස්ථාවේ අමරිකානු ඩොලර් 75 ක්ව පැවති බොරතෙල් බැරලයක මිල අද වන විට ඇමරිකානු ඩොලර් 84 දක්වා ඉහළ ගොස් ඇති බවයි.

Your Comments